Ra nga lartësia teksa po punonte në një pallat në ndërtim, ndërron jetë 28-vjeçari

Një 28-vjeçar ka ndërruar jetë në Tiranë, pasi ka rënë nga lartësia në një pallat në ndërtim e sipër, teksa punonte.

Sipas policisë, bëhet fjalë për shtetasin me iniciale A. F., 28 vjeç, i cili si pasojë e dëmtimeve të marra ka humbur jetën.

Tiranë/Informacion paraprak

Më datë 27.05.2024, rreth orës 08:20, në rrugën “Aleksandër Mojsiu”, në një pallat në ndërtim e sipër, duke punuar ka rënë nga lartësia shtetasi A. F., 28 vjeç, i cili si pasojë e dëmtimeve të marra ka humbur jetën.

Grupi hetimor po punon për sqarimin e rrethanave të ngjarjes.